miércoles, 24 de junio de 2009

OS NOSOS TAMÉN TRINCAN SALMÓNS

Despois de moito insistir, vou a poñer unhas fotos de algúns membros do Club que pillaron un salmón e de repente necesitan un par de tallas mais de calzoncillos.

De tódolos xeitos noraboa.











jueves, 18 de junio de 2009

MARTIN SECO VELO DO CLUB LONDRA DE ROIS, NA SELECCIÓN GALEGA XUVENIL DE SALMÓNIDOS MOSCA


No Clube LONDRA de Rois acabamos de levar unha gran alegria que nos enche de satisfacción e nos anima a seguir traballando, si cabe aínda máis. O pasado mes celebrouse no río Neira en Láncara, provincia de Lugo o Selectivo Xuvenil de Salmónidos mosca, previa convocatoria da Federación Galega de Pesca, Martín Seco Velo acudeu a este Selectivo para optar a ocupar unha das duas prazas vacantes na Selección Galega. Logo das probas pertinentes feitas polo Seleccionador, comunicouselle a o Club Londra que Martín Seco Velo fora seleccionado para ocupar unha das prazas vacantes na Selección Galega Xuvenil de Salmónidos Mosca. Martín que conta con 14 anos de idade e con xa unha ampla experiencia nesta modalidade de pesca, levou a alegria da súa vida xunto coa Directiva e Socios do Clube LONDRA, ós cales enche de orgullo contar con un socio na Selección Galega e máis sabendo que este rapaz empezou a pescar con nós, saíndo da extensa canteira que ten este Clube. Os días 26, 27 e 28 de xuño disputará en Valencia xunto con outros catro compoñentes desta Selección, o Campeonato de España da modalidade no río Turia, para o cal xa se está a adestrar e se concentrará este fin de semana en Lugo co resto dos seus compañeiros. E de destacar que Martín non é o único da comarca do Sar, outro rapaz, Julio Fernández Martín do W.LATORRE de Padrón tamén forma parte desta Selección por segúndo ano consecutivo e no que tentará revalidar o título de Campeón de España por equipos que consigueu o pasado ano. Polo tanto a comarca do Sar estará ben representada en Valencia por estes dous rapaces que sen dúbida deben ser o espello dos que veñen por detras en ambos Clubes, que ano tras ano colaboran entre eles en diversos eventos relacionados coa pesca deportiva.
A pesca deportiva nesta comarca xa conta con deportistas, xuvenís pero de élite, que adican parte do seu tempo libre a pescar e a estar en contacto coa natureza, hábito enriquecedor e saúdable.
O Clube Londra agradece a colaboración desinteresada de Rafael De La Iglesia por acceder a formar e adestrar a Martín Seco Velo, o cal lle inculcou todo o seu saber no arte da pesca con cola de rata, convertíndose no seu adestrador particular.
Soio nos queda desexarlles toda a sorte do mundo e que nos deparen a alegria de ser campeóns de España e dende logo que disfruten do momento.

martes, 9 de junio de 2009

CAMPIONATO PROVINCIAL SALMÓNIDOS-MOSCA A CORUÑA 2009


Con un día perfecto para votar nas eleccións europeas disputouse o pasado domingo 7 de Xuño no couto de pesca de Aranga o Campionato Provincial de A Coruña na modalidade de Salmónidos Mosca. Non se cumpliron, afortunadamente, as previsións, posto que o día non era o mais apropiado. Un río alto de caudal e un pelin tomado xunto con un día de cans no terreo meteorolóxico non presaxiaban nada bó en relación as capturas. Ainda así saíron mais de cen troitas que fixeron que o campionato fose excelente tanto en capturas como en organización gracias ó gran traballo de Rio Mandeo e da Federación Galega de Pesca.
1º Rafael Bellas Bermudez 2ºAlejandro Villanueva Mariñas
3º Juan Carlos Suarez Pazos.
Os membros do Barbanza explicando o resultado ¿?


Todas as fotos e clasificaciones en http://www.fgpesca.org/

XIII- XUNTANZA PESCOS RIBADAVIA-09

A Consellería do Mar redactará unha nova orde provisional para regular a pesca deportiva

A iniciativa consensuarase co sector e se remitirá ó Consello Galego de Pesca
Así o asegurou o director xeral de Ordenación e Xestión de Recursos Mariños, Pablo Fernández , na Comisión 8º de Pesca e Marisqueo.
Servirá para dar resposta á demanda dun sector no que participan 55.000 galegos ata que entre en vigor a nova Lei de Pesca.

Santiago, 4 de xuño de 2009.- A Consellería do Mar está a traballar na redacción dunha nova orde provisional para regular a pesca deportiva mentres non entre en vigor a nova Lei de Pesca. Así o asegurou o director xeral de Ordenación e Xestión dos Recursos Mariños, Pablo Fernández Asensio, que recalcou na comisión oitava de Pesca e Marisqueo que o texto se remitirá ó Consello Galego de Pesca, para buscar o consentimento do sector.
A nova orde pretende conseguir que esta actividade de ocio e turismo marítimo-pesqueiro conviva en harmonía coa pesca profesional e non interfira nela ou a prexudique. O seu obxectivo é compatibilizar ambas actividades para coordinar a explotación e conservación dos recursos mariños e lograr un equilibrio ecolóxico á vez que social e económico.
A Consellería considera necesario regular minimamente a actividade transitoriamente, xa que “con máis e mellor control” evitarse o furtivismo no que “dexenera a inconsciencia dalgúns poucos”, e que afecta por igual a profesionais e a deportivos.
A iniciativa, segundo explicou o director xeral, servirá para cubrir o baleiro legal existente, regulará os cebos e as capturas e simplificará a burocracia existente nesta actividade, da que participan 55.000 galegos e galegas.
A Consellería do Mar está a traballar xa na Lei de pesca de Galicia. Nun breve tempo as modificacións se levarán ó Parlamento, co consenso previo co sector, xa que será a súa norma básica de traballo. Unha vez que se aprobe, o departamento que dirixe Rosa Quintana desenvolverá un novo decreto e unha nova orde para regular a pesca deportiva. Pablo Fernández entende que aínda que urxe regular esta actividade “non podemos definir liñas particulares sen definir as xerais”.

martes, 2 de junio de 2009

CONFERENCIA Problemas xeotécnicos e ambientais asociados a macizos rochosos con sulfuros metálicos.



O domingo, día 31 de maio, a xeóloga Virxinia Ormaechea Delgado ilustrou a un grupo de pescadores, técnicos, presidentes de clubs e federativos coa súa brillante exposición por título Problemas xeotécnicos e ambientais asociados a macizos rochosos con sulfuros metálicos, na que se analizaron as consecuencias da actividade humana coas grandes obras de infraestruturas e dos seus efectos non desexados, que normalmente non se analizan dende o punto de vista do "impacto ambiental" e dos que non se fai un seguimento, tal e como sucede cos movementos de terra, que se son verdadeiramente problemáticos. Cando se realizan os desmontes o material esmiuzado é utilizado como elemento de recheo para conseguir niveis. É nestes nos que se dan os problemas, non só cos causados pola erosión, senón tamén con aqueles nos que se usan achegas de rochas e gravas con mineral de ferro (piritas) as cales en contacto co aire se oxidan e en contacto coa auga, fundamentalmente de chuvia, se descompoñen en hidróxido de ferro e ácido sulfúrico, que coa acción de bacterias este proceso se acelera. Estas rochas son as chamadas ácido-sulfatadas que son as que están a crear problemas na bacía do Eume e outros ríos próximos. É probable que noutras obras que se están a realizar nas zonas de Mondoñedo e de Abadín (Transcantábrica) poidan causar os mesmos problemas se non se extreman as precaucións.

A súa exposición estivo centrada nas súas investigacións sobre temas semellantes no País Vasco, que afectan a edificacións de obra pública, construción de vivendas e explotacións agrarias, deteriorando zapatas, alterando o formigón e destruíndo a estrutura. Tamén informou dos problemas que se deron e se dan no norte de Australia (onde se falou por primeira vez deste fenómeno), Hokkaido en Xapón; e en España: en Río Tinto (Huelva), País Vasco e no Eume en Galicia. Sobre Galicia manexou material gráfico cedido por Raúl López de www.vadeando.com e da propia Federación.

As solucións pasan por realizar investimentos a maiores para neutralizar a descomposición da rocha fragmentada, que como se puido observar nunha fotografía, en zonas de talud cubertas con rocha calcaria neutralizaban esa descomposición, fronte ás non cubertas nas que se manifestaba xa o proceso.

É importante solucionar este problema non só pola saúde dos ríos e da súa vida, senón tamén pola saúde humana, pois este proceso desencadea outros como o de facer solubles o aluminio e o manganeso (tóxicos para as plantas), converter o fósforo e o manganeso en insolubles co que non poden asimilar as plantas; conseguindo deste modo un empobrecemento do hábitat. Aparición de elementos prexudiciais para a saúde das persoas e animais como son os compostos de arsénico. Como curiosidade mostrou imaxes dun tipo de planta que se dá en augas extremadamente ácidas: Melaleuca ericafolia.

En resumo, resultou unha conferencia ilustrativa sobre un problema que xurdiu coa crise do Eume e que aínda terá as súas rabexadas se non se actúa con contundencia. Aínda que non foi moi ampla a afluencia de público, si houbo participación do persoal técnico da Dirección de Conservación dá Natureza aínda que houbo ausencias doutros organismos plenamente involucrados.

lunes, 1 de junio de 2009

ALBA CASTRO BELLO, DO CLUB LONDRA DE ROIS, GAÑA O CAMPEONATO INTERNACIONAL DA XLIII FESTA DA TROITA DE PONTECALDELAS NA CATEGORIA DAMAS


Un novo éxito do Club LONDRA de Rois, Alba Castro Bello, 1ª clasificada no Campeonato Internacional de Pesca da XLIII festa da Troita de Pontecaldelas.
Celebrouse este pasado domingo día 31 de maio na Vila Pontevedresa, con unha temperatura que superaba os 30 graos e con poucas capturas, aínda que cabe mencionar que na xornada do sábado en categoría Veteráns se capturou unha troita de 3,250 kg de peso. Alba Castro Bello que xunto a María Manuela Freire Pazos siguen a dar alegrias a este Clube e demostrando unha vez máis a súa destreza no arte da pesca con culleriña. Destacar esta victoria de Alba dada a alta participación e nivel das participantes, pois este concurso ten caracter internacional e nel participan, ademais de equipos de todo Galicia, outros chegados dende Portugal o cal dá a esta victoria mais mérito, pois contan con máis medios materiais, técnicos e sociais que o Club LONDRA, detalles que con adicación, destreza e constancia foron superados por esta deportista que con 18 anos recén cumpridos ten unha traxectoria ascendente moi notable.

Seguiron a Alba Castro Bello na clasificación, outras duas pescadoras galegas, Angeles Torres Charlín do Clube Mar de Arousa e Arantxa Esperón Rivera da Sociedade Verdeseixo, ocupando a segúnda e terceira posición respectivamente.

Dende o Clube LONDRA danlle a noraboa a Alba por esta victoria e agradecen o esforzo realizado polos restantes participantes deste Clube nas diversas categorias nas que participaron.


Santiago 29 de Mayo 2009

Estimado amigo :
El próximo día 28 de Junio celebraremos en el Río Ulla nuestro 12º CONCURSO DE PESCA A MOSCA ( DEPORTES CIBEIRA ).
Gracias a la colaboración de todos los participantes de la convocatoria del año pasado seguiremos la celebración con ( PESCA SIN MUERTE ).
El último día para inscribirse será el viernes día 19 de Junio
Para nosotros es todo un honor poder contar con tu presencia en esta nueva edición de Pesca a Mosca , donde nos reuniremos un gran grupo de amigos para practicar nuestra gran afición por esta modalidad de pesca.
Nuestro punto de encuentro este año ha sido modificado por causas ajenas a la organización y nos reuniremos en el Restaurante CASA LODEIRO , situado en Gres – Ponte LEDESMA. A las 7:30 h. de la mañana desde donde partiremos para el inicio del Concurso en el Río ULLA.
En el Restaurante CASA LODEIRO se celebrará la cena de confraternidad con su correspondiente proclamación del CAMPEON ,entrega de trofeos y premios.
Sin otro particular y esperando contar con tu presencia aprovechamos la ocasión para saludarte.
ATENTAMENTE
Alberto González Alfonso
INSCRIPCION : 60€
Nº DE CUENTA CAIXA GALICIA 2091 0341 81 3040027410
INFORMACION DEL CONCURSO EN DEPORTES CIBEIRA O LLAMANDO AL 981596060