O pasado sábado día 18 a Asociación de Troiteiros Río Furelos, celebrou o seu IV DÍA DO SOCIO, reunindo a máis de 100 socios nun xantar, que se celebrou no BAR RIO da área recreativa da praia Fluvial do Río Furelos en Melide.
Fíxose un repaso das actividades realizadas durante estes 4 anos de existencia da asociación e tamén se aproveitou para lles lembrar aos socios a celebración das V XORNADAS DE LIMPEZA (que se celebrarán, como vén sendo tradicional, o derradeiro sábado de agosto e os dous primeiros de setembro), animando aos presentes a participaren nas mesmas.
Así mesmo, no día de hoxe, presentouse ante o concello de Melide un escrito solicitando que:
• Se reforcen as medidas de seguridade nas comportas da presa do Ruzo (Praia Fluvial) mediante puntos de soldadura, xa que os candados desaparecen constantemente deixando abertas as comportas, provocando o baleirado da devandita presa co conseguinte secado de río e arrastre de lodos que non está permitido.
• Que se poñan carteis avisando ao público de que non é recomendable bañarse nesa zona pola citada capa de lodos depositados nese treito do río, que se poden ollar a simple vista.
Asdo. Xavier Pazo Blanco
Presidente Asociación de Troiteiros Río Furelos
Melide a 20 xullo de 2009
No hay comentarios:
Publicar un comentario