XLVII CAMPEONATO INTERNACIONAL DE PESCA FLUVIAL DE PONTE CALDELAS.

OS CLUBES DE PESCA DA COMARCA DO SAR TRIUNFAN NO INTERNACIONAL DE PONTE CALDELAS.

Caza e Pesca de Padrón e o Club de Pesca Deportiva Londra de Rois acaparan os primeiros postos no XLVII Campeonato Internacional de Pesca Fluvial de Ponte Caldelas que ven de disputarse este fin de semana como parte da programación da Festa da Troita que se celebra en esta vila pontevedresa.

A proba tivo como esceario o Couto de Ponte Caldelas e o Couto de Cotobade no río Verdugo, no que o longo do fin de semana acolleu a participación das distintas categorías. O sábado celebrábase o proba en categoría senior e categoría veteráns. Foi na categoría senior na que as sociedades da comarca do Sar se repartiron os premios desta xornada, acadando Caza e Pesca de Padrón o primeiro e terceiro posto, logrados  por Fernando Blanco González e José Luis Blanco González respectivamente que lle daría tamén a victoria por equipos, mentres o Clube de Pesca Deportiva Londra conseguia  a peza maior, unha troita de 37cm e 435 gramos que foi capturada por José Del Río Somoza e un cuarto posto acadado por David Álvarez Lorenzo que lle daría o subcampeonato por equipos.

A xornada dominical arrancaba de novo as 8:30 da mañan cos campeonatos das categorías infantis, xuvenís e damas, donde o Club de Pesca Deportiva Londra se impuxo con rotundidad na categoría xuvenil, colocando o remate da proba no primeiro e segundo posto do podium a Jesús Canicoba Aboy e a Damián Otero Rodríguez respectivamente, na categoría infantil acadaron o cuarto e quinto posto logrados por Fabián e Brais Eiras Torrado o que sin dúbida daba continuidade o éxito acadado na xornada anterior por os pescadores de Rois, asegurando un bó futuro na pesca deportiva na comarca do Sar dado o bo facer das categorías inferiores do Clube de Rois.

O éxito acadado por estas duas sociedades, adquire máis valor si cabe, polo alto nivel competitivo dos participantes, entre os  que se encontraban integrantes de seleccións autonómicas con varios títulos tanto a nivel autonómico como nacional no seu palmarés e pescadores de sociedades do veciño país Portugal, o que lle dá o carácter internacional a proba.

RESUMO DOS RESULTADOS DO CLUB DE PESCA DO BARBANZA NO MES DE MAIO

 Durante o mes de maio que está a punto de rematar, o Club estivo presente en tres competicións oficiais. Por un lado o 6 de maio, catro dos nosos compañeiros participaban no Provincial de mar-costa que tivo lugar na praia de Langosteira. O resultado final foi de dous clasificados para o vindeiro Campionato Autonómico, Gerardo Orol que acadou a cuarta posición e David Barreiro que obtivo o posto 12.
Santi Vieito con un posto 22 e Oscar Arosa con un posto 24 foron os outros participantes.

  

Outra das competicións na que estivemos presentes foi o día 12 en A Coruña no Selectivo de Embarcación Fondeada, onde o noso compañeiro José Ángel Pérez Álvarez pelexaba por clasificarse para o Campionato de España e para manterse na Selección Galega. Non foi un bo día, xa que na primeira manga a posición que ocupaba na clasifiación era a última. Pero despois dunha espectacular remontada na segunda manga logrou evitar as prazas de descenso e manterse no Selectivo.

Por último, outros dous compañeiros participaban no Provincial de Salmónidos Mosca que tivo lugar no couto de Aranga no río Mandeo o pasado día 19. Jesús Bolaño con un oitavo posto logrou a clasificación para o vindeiro Campionato Autonómico. 

 

A todos eles a nosa noraboa e desexarlles sorte para as vindeiras competicións.

EXITO ROTUNDO DO CLUB DE PESCA DO BARBANZA NO "XII OPEN AUTONÓMICO DE PESCA MEMORIAL MANOLO ROUCO"

O pasado 17 de maio, día das Letras Galegas, os membros mais novos do Club de pesca do Barbanza saían rumbo a Lugo para tomar parte no "XII Open Autonómico de pesca Memorial Manolo Rouco". A expedición estaba formada por sete participantes, os cales estaban distribuidos da seguinte maneira, dous benxamíns, tres infantís e dous xuvenís. Todos eles tiveron unha actuación sobresaínte, pois como podedes comprobar atoparédelos nos primeiros postos das clasificacións. Hai futuro.  

3º CONCURSO SOCIAL 2013