O pasado fin de semana tivo lugar na praia de los Quebrantos, no Princpado de Asturias, o Campionato de España na modalidade de mar-costa categoría damas. Por primeira vez na historia do noso Club, (tampouco é que teñamos que ir moi lonxe), o Barbanza tiña representación nesta modalidade. E que representación, Pilar Rey Silva, a nosa Delegada de mar, a cal nos deu unha lección do que hai que facer cando se vai a competir. Na súa primeria experiencia representando á Selección Galega acadou un mais que meritorio noveno posto na clasificación final individual e ademais logrou meterse na alta competición nacional. Estamos agardando a que nos contes a experiencia, ata entón noraboa Pili polos teus éxitos, os cales fan mais grande ó noso Club.
